Луѓето воглавно се разумни и добри. Генерално се трудат да дејствуваат во сопствен интерес, а ако може и во општ интерес. Врз овие аксиоми почива човечноста и човековото општество, особено со плуралистичко демократско уредување. Ако го едуцираш за големите придобивки од некој производ, доколку нема големи негативни страни, народот најчесто ќе се потепа за да го добие.
Периодов некои тн. авторитети, всушност политички назначени проститутки за пари и моќ кои се замислуваат елита, туркаат агенда врз грбот на народот која се помалку им проаѓа. Изгледа се раскринкани кај мнозинството.
За да не го признаат поразот, тие креираат наратив кој е инверзија на реалноста. Причината за поразот на нивната агенда наместо во немањето на факти и добри аргументи, ја фокусираат кон конструирана малоумност и нерационалност на народот, кој предлагаат да биде казнуван со државниот апарат за насилство. Да имаа вредни аргументи народот ќе беше едуциран и ќе постапеше како што тие би сакале. Бидејќи ги немаат аргументите и науката на своја страна, прибегнуваат кон закани, манипулации и кон присила.
Демонстрираат мизантропија на јавна сцена. Мразат и потценуваат народ. Добрите намери одамна се провиден целофан, зад кој се крие неукоста, сервилноста, лакомоста, егоизмот, нарцисоидноста, на еден мал слој социопати, назначени како авторитети токму заради својата корумпираност.
Не е народот неразумен. Вие сте сервилни извршители на фашистичка структура, кои во отсуство на факти и аргументи вршат насилство врз народот. Науката ви служи како тоалетна хартија. Вистинските научници ги репресирате како дисиденти. Го уништувате народот и општеството, правејќи реална штета на луѓе, и газејќи ги основните принципи за цивилизирано општество: слобода, вистина, човечност.
Самите сме си криви. Од безумност и бездушност си патиме, зошто бараме крал да не` владее. Си го предаваме личниот суверенитет и слобода на една измама, би рекол дури и свесно, и нелегитимно даваме дозвола во наше име да се спроведува зло врз друг човек. Ние ја создаваме и одржуваме моќта. Таа функционира со наша имплицитна или експлицитна согласност и помош. Без тоа таа не постои.
Самоилова 8
Самоилова 8
Самоилова 8
Моќта има суштинска карактеристика да се концентрира и да корумпира до коска. Иако живееме во тн. демократија, веќе и врапчињата знаат дека за спроведување на некаква народна волја не станува збор. Нема потреба да читаме ниту студии за тоа. Јасно е како бел ден. Целиот народен суверенитет се делегира во системска машинерија, тн. хибриден режим, кој произведува системско зло изразено како репресија, уназадување, дегенерација, уништување, инверзија во скоро секоја област од општественото и приватното живеење.
Инверзијата на принципите и предусловите за човечко живеење е скоро комплетна. Спроведуваме системско гушење на слободата, вистината, човечноста – примарните човекови принципи, предуслов за човечки живот и основни карактеристики на цивилизирано општество. Ние сме соучесници во таа инверзија, одржувајќи го на власт темниот владетел на овој свет со неговата мизантропска свита. Со нашата слабост и незрелост, ние го бараме и му даваме легитимитет да го прави сето ѕверство што го гледаме наоколу. Избори по избори, власт по власт, генерација по генерација, во трка кон уништувањето и дното, се врти револуцијата, која како мелница за месо пред се` ги меле своите деца.
Оттука не изненадува, всушност е сосема логичен и очекуван нападот врз суштинските човечки концепти, за редефинирање на човекот со потиснување и бришење на неговите највозвишени карактеристики и институции, и негово претворање во нешто пониско, понесвесно, поаморално, попокорно, поапатично, посервилно, постерилно. Овој систем е во егзистенцијален судир со човекот и изгледа дека едниот мора да падне.
Во одбрана на неопходноста од систем базиран врз насилство, некој обично ќе возврати дека мора да има ваков систем, инаку кој ќе ги гради и одржува улиците? На тоа можам да се насмеам заради баналниот материјализам и неинформираноста. Или втора теза е дека човекот е расипан, па затоа мора друг човек со практично апсолутна моќ и никакви последици да спроведува тиранија врз другите, несфаќајќи ја длабоката противречност на позицијата во теорија и во пракса.
Истовремено го имаме единствениот вистински цар и господар, Исус Христос, под кој сме еднакви и слободни. Единствено останува да ја прифатиме личната одговорност, што ја носи слободата и директната врска со Бога. Одговорно да го носиме својот крст. Да излеземе од закржлавеноста и заостанатоста на адолесцентната фаза, во која вечно меѓу нас бараме старател да се грижи за нас макар и неправично, брутално и ѕверски, и да не` ослободи од нашата одговорност.
Доколку излеземе од инфантилноста, можеме да се доразвиеме во она што треба да бидеме – суверени луѓе, слободни и еднакви. Тоа или ќе го направиме сега, во догледно време, ќе станеме homo sapiens во полна смисла, свесни и совесни, или шансата ќе исчезне засекогаш. Односно човекот ќе влезе влезе во „новото нормално“ како бот homo machina, каде ќе ја комплетира својата дегенерација во несвесен, неинтелигентен, недуховен, неиндивидуален, неморален, физички инфериорен и контролиран како стока.
Сакаме да го користиме зборот цивилизација. Ни дава привид дека сме дел од нешто подобро, поизбањато, излезено од каменото доба, или дека со ова демек цивилизирано уредување напредуваме (прогресираме) кон нешто подобро. Во пракса гледаме и јасно е кон што регресираме. Веќе некое време забрзано и грозничаво не` туркаат кон некое грдо Ново Нормално. Не дека старото нормално е драстично подобро. И двете се базирани врз насилство, со тоа што кај „новото“ насилството е истовремено посеопшто и посуптилно. Со тоа јасно е дека сега немаме ни ц од цивилизација. Теоретски исто така. Цивилизација и систем заснован врз агресија е контрадикција во поим. Но, додека постои зрно човечко во нас, или Божјата искра, ќе постои идеја, визија и дух за цивилизација.
Кога ќе создадеме цивилен систем, со исклучиво ненасилни и слободни односи пред се` помеѓу помеѓу индивидуите и системот, при што по дефиниција човековите принципи на слобода, вистина и човечност се апсолутни, тогаш ќе можеме да се наречеме цивилизација.
Едноставноста на визијата во случајов е одраз на нејзината софистицираност. Не го прави она што не сакаш да ти го прават на тебе. Почитувај ги слободата, вистината, човечноста во општеството, доколку сакаш истите принципи да бидат применети и кон тебе. Но овој пат темелно и апсолутно, како што доликува за суштински принципи. Во ниту еден системски случај принципите не смеат да бидат компромитирани. Во односите помеѓу индивидуи нормално е да дојде до недоразбирање или одредена патологија, но и во тој случај принципите остануваат на сила. Односно оштетената индивидуа може да смета на слобода (самоодбрана), вистина(информирање на заедницата) и човечност(афирмативен однос), за да се разреши проблемот. Доколку се разбираат принципите, отскоскнува нивната елегантна едноставност и универзалност.
Сакаат да ни продаваат ново нормално наспротив старото. Но тоа е лажна спротивставеност, бидејќи целта на продавачите не е да победи едното или другото. Туку главната цел е засекогаш да се заборави и закопа вистинското нормално. Ниту старо, ниту ново, туку вистинско нормално, за цивилизиран човечки вид и општество. Со природен општествен ред базиран врз апсолутните човечки принципи. Со експоненцијалните придобивки и напредок кои ги носи човековата еманципација.
Бомбардирањето со дезинформации се зголемува паралелно со зголемувањето на нападот врз човекот и општеството. Впрочем никој мирно не би прифатил вакво уништување, освен ако умот не му е темелно испран и одвоен од реалноста, а наполнет со лаги и измислици.
На темата со инфлацијата, земјоделието и климатските баба роги, ајде да бидеме малку пореални, да излеземе од стегите на разните политички климатски агенди кои го потопопуваат светов деновиве. Истите безмилосно ловат наивни и добронамерни умови во маглата која се шири.
Цените скокаат поради неколку директни причини:
1. Заради вештачката флуктуација на цената на енергенсите (војната и блокадата со Русија, попречување на производство и користење на јаглеродни горива, скапи и неефикасни алтернативни извори, манипулација на цените на ел. енергија и грабеж) и логистичките трошоци (ковид затворања, вештачки недостатоци-доцнења на репроматеријали, сега блокада на Црвено море, блокирање на Панамскиот канал),
2. Некадарни и предавнички влади во колузија со локалните трговски картели опортунистички ги цементираат високите цени и вештачки одржуваат висока инфлација и маржи. Тука спаѓаат повеќето производи од секојдневната потрошувачка кошничка, од млеко до лубеници. Поврзано со точка 5.
3. Директниот напад врз земјоделците од WEF-овските политичари ширум светот преку забраните за користење на ѓубриво, намалувањето на сточниот фонд и директното затворање на илјадници фарми (пример затворање на 3000 фарми во Холандија, втор најголем земјоделски извозник во светот). Впрочем овие налудничави мерки се главна причина за селанската буна ширум цела Европа.
4. Последниве неколку години најголемите светски производители и трговци на суровини бележат рекордни неколкукратно зголемени профити, во склад со агендата за инфлација, односно осиромашување на народот. Горниот графикон илустрира 4 пати зголемен кеш флоу кај секторот за производство на суровини за 2022 година (кога почна инфлацијата) во споредба со 2020. Во споредба со упросечена вредност за подолг период, стапката на зголемување е уште подрастична. Долниот графикон илустрира зголемување на профитите кај берзанските трговци на суровини во 2022 – годината кога започна трендот на зголемена инфлација.
5. Финансирање на инфлацијата од страна на институциите, наместо да се остави цените да се стабилизираат. Впрочем доколку народот малку го стегне ременот и помалку троши во согласност со превисоките цени, пазарот по автоматизам ќе ги намали цените. Ова е основниот принцип на формирање на цени според понуда и побарувачка, неопходен за добивање на 6-ка во прва година на Економски факултет. Знаејќи го сето ова, сите тие дипломирани економисти, го пумпаат народот со пари кои стануваат се побезвредни, за да со нив се финансираат трговците и да се одржи трендот на инфлација. Мерките со кои се постигнува ова се скалестото качување на цените, иронично наречено „замрзнување“, во спрега со разните форми на еднократна или спорадична социјална помош и зголемувањето на задолжителните минимални плати. Севкупно вештачкото зголемување на платите само има придонес во зголемувањето на инфлацијата, и во намалување на куповната моќ на народот. Која е користа од 500 евра минимална плата, доколку истата вреди како 250 евра од пред некоја година? Истовремено и заштедата на граѓаните е со преполовена вредност, односно купува дупло помалку производи. Во основа народот е осиромашен. Брутална иронија од страна на политичката елита и нејзините налогодавачи, кои додека го уништуваат народот, му се претставуваат како негови спасители.
6. Незапамтено криминално печатење на пари од страна на властите и централните банки, со што истите се обезвреднуваат, а стоките во споредба по автоматизам поскапуваат. Се разбира дека тие свежи пари внесени во промет се кредит кој народот треба да го враќа. Тоа дивеење со народните сметки, во кое политичките елити го презадолжуваат народот до степен на економски банкрот и хаос, го води светот до имплозија и фамозниот „голем ресет“, за кој мизантропските самонаречени елити тријат раце, додека бројни врвни финансиски експерти од опозициската австријска економска школа предупредуваат веќе со децении. Тоа е крајот на социјалистичкиот концепт на Кејнзијанска економија, со полуслободен (дефакто неслободен) регулиран пазар и неконтролирано печатење(фалсификување) на фиктивни пари за покривање на буџетски дефицити (расипништво и перење пари), кое го продаваат како напредок на економијата (скокнал БДП), а всушност го поткопува концептот на приватна сопственост, стандардот на граѓаните(откако ќе пристигне сметката), слободниот пазар, економскиот систем и целото општество.
Можеби испуштам нешто, но ова би биле главните фактори. Поради нивната неверојатна истовремена „коинциденција“ и фактот што поединечно секој нанесува очигледна криминална штета која може да се избегне, севкупно укажуваат на свесно создавање на инфлација, осиромашување и огладнување на народот, и концентрирање на богатството и моќта во рацете на локален и глобален политичко-финансиски слој, кој е при врвот на пирамидата на овој систем во распаѓање.
Слободно додадете други причини или размислувања во коментарите подолу.
