2019 година во Македонија имало вкупно 3900 дијагностицирани од рак. Годинава заклучно со април (претпоставувам бидејќи мај е во тек), имало 5500 дијагностицирани. Математичарите во нашите медиуми го изведуваат следниот резултат за процентот на зголемување:
- Вечер (и други медиуми): 30%
- Алсат: 3,6%
Дали е 3,6 или 30? Изгледа не се договориле претходно. Во секој случај, за мене е мистерија како дошле до овие броеви.
Врз основа на достапните податоци, точната разлика помеѓу бројот на нови дијагностицирани во 2019 и 2022 со екстраполација на досегашната стапка за првите четири месеци врз цела 2022 година е:
4,2 пати (со букви: четири запирка два),
или стапка на раст од 310% (со букви: триста и десет).
Во конкретни бројки тоа би била проектирана разлика од 16500 – 3900 = 8100.
Зголемување од дополнителни 8100 животи погодени од канцер, што во Македонија за повеќето значи смртен исход.
Имаме алармантна бројка која како многу непријатен факт се чини е туркана под тепих од страна на новинарите, надлежните, струката.
Иако сме навикнати на измамничко, непрофесионално и национално предавничко новинарство, доколку се стави во контекст со важноста на темата, квалитетот на информирањето околу оваа вест е особено апсурден и надреален. Монти Пајтон новинарство. За малку ќе речев и Монти Пајтон медицина, но мислам дека не соодветствува сосема со тежината на состојбите.
Со оглед на апсурдните проценти пласирани во јавноста, би можело да се заклучи дека се заташкува колапсот на македонското здравство и колапсот на македонската популација. Дополнително кон ова, вниманието за причината на проблемот шамански се насочува кон мистичните пост-ковид состојби, без особен доказ од така наречената медицина базирана врз докази. Така наречена, бидејќи заташканите докази за нејзиниот „успех“ допрва ќе ги согледуваме ние или некои следни генерации.
Само прашањето ми е, дали со ваквото идиотско заташкување без респект кон својата и јавната интелигенција планираат во иднина да се вадат на ментална попреченост?
Несфатливо е да се толку глупави колку што се штетни. Мора да постои и свесна намера.