Што останува од homo sapiens, без sapiens?

Дали изворно се информираш? Прашувам зошто тоа е клучот до излезот од меурот на страв и хистерија, да разбереш зошто се случува катастрофата и каде е всушност злосторството. Плус ќе можеш да се вратиш од зомбијата меѓу луѓето и да бидеш дел од решението, да помогнеш во ова страшно време за сите. Јас човечки ќе пробам дополнително да ти скренам внимание на некои важни прашања кои се игнорирани или потиснувани од медиумите, политичарите и политички назначените експерти, иако огромен број научници, доктори и истражувачи алармираат за нив. За се` подолу имам изворни материјали или научни трудови. Ако треба ќе приложам дополнително. Од тебе се бара само здрав разум, интегритет и духовна сила. САМО. Одиме точка по точка.

1) ОПАСНА БОЛЕСТ. Знаеш ли што значи стапка на инфективна смртност од 0.03-0.2%? Грипот е тука некаде, можеби до 0.4%.
“Global infection fatality rate is 0.15-0.20% (0.03-0.04% in those <70 years), with large variability across locations with different age-structure, institutionalization rates, socioeconomic inequalities, population-level clinical risk profile, public health measures, and health care. ” – ова го тврди за ковид Др. Јоанидис од Стенфорд и никој не го спори. Само се заташкува. (https://pubmed.ncbi.nlm.nih.gov/33026101/).
Свесен ли си дека од Март 2020та Велика Британија ја тргна ковид од класификацијата „Инфективна болест со тешки последици“ (https://www.gov.uk/guidance/high-consequence-infectious-diseases-hcid#status-of-covid-19)?

2) МАСОВНО УБИСТВО. Знаеш ли што значи 100% смртност на респиратор, за болест која всушност има просечно до 0.2% смртност? Стави се во позиција на медицинско лице: доколку сакаш луѓе да не умираат, а ти умираат 100%, и продолжуваш да го правиш истото, дали всушност сакаш да не умираат? Затоа ли беше мобингот и притисокот врз сестрите што избегаа од Инфективна?(https://www.slobodenpecat.mk/katastrofalna-smrtnost-na-paczientite-priklucheni-na-respirator-kovid-19-mozhe-da-se-prezhivee-aparatot-za-dishene-nikako/)

3) ЛАЖНИ СТАТИСТИКИ. Скоро секој ден по некој се јавува во јавност со изјава за роднина што умрел од нешто трето, а го пишале за ковид и го вратиле во лимен сандак. Добар дел од нас, познаваме такви случаи од прва рака. Еве последно денеска со Амди Бајрам (https://centar.mk/blog/2020/10/25/se-oglasi-sinot-na-amdi-bajram-ni-kazhaa-deka-pochinal-od-mozochen-udar-a-ne-od-koronavirus-zasluzhuva-dostoinstven-pogreb/). Заедно со убиствата на респиратор и овие смртни случаи со лажна посмртница се огромен фактор во лажната статистика и креирањето на кампања за паника во служба на координираните про-фашистички мерки.

4) ТЕСТОВИ И ГЕНИ. Знаеш ли што е CTCCCTTTGTTGTGTTGT? Јас не знаев до неодамна, но научив. Тоа е ДНК секвенца, дел од човековиот геном, која е една од референтните секвенци за која се тестира во ПЦР тестот (https://www.who.int/docs/default-source/coronaviruse/real-time-rt-pcr-assays-for-the-detection-of-sars-cov-2-institut-pasteur-paris.pdf?sfvrsn=3662fcb6_2). Значи ти можеш да бидеш позитивен на homo sapiens! Се разбира асимптоматично, како што е модерно да се каже. Со прости зборови позитивен си на нешто, а тоа нешто може да е и човечки геном, и ништо не ти е. Следствено, клучното прашање што се наметнува од ова е од кои организми се останатите десет-петнаесет референтни ДНК секвенци во ПЦР тестирањето, ако едната веќе е докажано дека е од човек?
Можеш ли ова сознание да го поврзеш со бројните примери на лажно позитивни тестови кои излегоа во јавноста или со пародиите за позитивни папаја, коза и пилешки батаци, кои никој не ги спори?
Знаеш ли дека пронаоѓачот на ПЦР тестот и добитник на нобеловата награда Кери Малис, изричито рече дека ПЦР не смее да се користи за дијагностика бидејќи не може да се гарантира точноста? Кутриот почина 2019та година, случајно да не може да ја види кулминацијата на перверзијата што ја прават со неговиот пронајдок.
Поврзано со тестовите, каде изчезнаа 95% од случаите на грип во 2020та година? Дали навистина грипот годинава немаше добар маркетинг и само му послужи на ковид како спотер за повеќе исплашени луѓе веднаш штом почувствуваат и најмал симптом да трчаат да се тестираат? Инаку како ќе знаеа дека ќе има втор бран токму во сезоната на грип? Знаеа дека сигурно ќе има страв кој што ќе го произведат, знаеа дека ќе има грип како и секоја година и знаеа дека симптомите на грип се скоро идентични со оние на ковид.

5) ЈАЈЦЕТО И КОКОШКАТА. Дали знаеш дека Др. Дростен го дефинираше ПЦР тестот за вирусот пред да бидат публикувани официјални информации за геномот од научниците од Кина? Што ти говори тоа?

6) ПЛАНИРАЊЕ И СИМУЛАЦИЈА. Дали знаеш дека корона пандемијата беше симулирана јавно во 2019та (Event 201), а споменувана/најавувана и претходно (од Ентони Фаучи https://www.youtube.com/watch?v=puqaaeLnEww, од ТВ филмови https://www.youtube.com/watch?v=RkjudtP2sZc , https://www.youtube.com/watch?v=KiTUFCKqbVA) Која е веројатноста тоа да е случајно?
Што правиме со бројните патенти за самиот коронавирус, со патентите за вакцините за коронавирус, аплицирани наназад 5 и повеќе години? Кое е тоа револуционерно бизнис визионерство за да се инвестираат големи пари во истражување, развој и заштита на интелектуална сопственост за производи за кои кога биле зачнувани немало никаква потреба на пазарот? И оп, наеднаш експлодира панична потреба за нив, најмногу подгревана од самите инвеститори и „иноватори“.
Знаеш ли дека не им е прв пат да исконструираат и прогласат лажна пандемија? (https://www.abc.net.au/news/2010-06-11/34926)

7) КОНФЛИКТ НА ИНТЕРЕС. Дали знаеш дека Бил и Мелинда Гејтс Фондација е инвеститор во барем седум фабрики за вакцини за ковид (https://bgr.com/2020/04/04/coronavirus-vaccine-bill-gates-ready-to-risk-billions-on-7-candidates/), а истовремено има контрола врз работната група во СЗО која одобрува лекови за ковид на глобално ниво? Дали го препознаваш конфликтот на интерес? Поврзано со ова, дали знаеш дека hydroxychloroquin, кој е промовиран како ефективен лек од бројни студии и потврден во пракса од илјадници доктори, е блокиран од СЗО врз основа на лажна наука, односно врз основа на несакани ефекти кои се причинети од предозирање а не од нормално користење? Дали е небитен фактот што протколите за третман на болеста низ целиот свет се комплетно диктирани од истото тоа СЗО, вклучително протоколите за респиратори, кои со својата погубност ги генерираат голем дел од бројките? Со ова, знаејќи за контролата што ја имаат по медицинска, политичка и финансиска хиерархија надолу до секој агол на светот и држејќи ја полугата во своја рака, нели би постоел начин да тригерираат една лавина од настани кои ги гледаме?

8) МАНИПУЛАЦИЈА. Те скокотка ли малку манипулацијата со називот „заболени“ за сите што се позитивни на ПЦР тестот, особено имајќи ја предвид точка 4 и 5? Го прочита ли коментарот на Др. Пановски на темата? Го следиш ли Др. Марковски?
Зошто цело време манипулацијата конзистентно оди во насока на алармизам, а ниту еднаш не им се лизна барем по грешка да одат кон нормално толкување на науката и кон смирување на стравовите? Тензијата и стравот ги одржуваат како константа, со тенденција кон бесконечност. Горново е само еден пример за како науката ја газат и потураат со пепел.
Друг погенерален пример, еве сите овие точки од текстов се присутни во јавноста и имаат јавно достапни примарни или научни извори. Наместо медиумите и политичарите да се позанимаваат со вистината, неа ја заташкуваат, а везден го бомбардираат народот со ЛАЖНИ хистерични статистики и манипулативни наслови, што е кривично дело според КЗ член 205 став 5. Кривични дела се прават како да ќе нема утре, а за некои можеби и тоа е поентата.
Понатаму, константно се врши тероризирање и тренинг на населението со разните драконски мерки спротивно на науката и често контрадикторно на претходните ставови: те треба те не треба маски, ограничување на движење по часови божем вирусот денски спие, божем ќе се рамнела кривата а кампања не престанува, и така натаму. Таа апсурдна вежба е со кумулативен резултат на изживување врз народот и блокирање на животот. Со нивното упорно и присилно имплементирање се врши навикнување на народот да биде во тотално подредена состојба со одземена базична слобода на живот – уплашен и податлив роб, подготвен на секој апсурдно гротескен начин да се саможртвува за господарот.
Што правиме со тероризирањето на децата со маските, училишните протоколи, преплашувањето, ускратувањето на детството, намалувањето доток на кислород со маските што докажано е штетно за интелектуалниот развој, осакатување на образованието? Се уништува цела генерација.
Понатаму, со стравот и мерките за ограничено движење и собирање се спречуваат бракови, врски, креирање на следната генерација. Се гаси животот. Истовремено се донесува закон за абортус до седми месец. Манијакалниот депопулатор Гејтс со другарчињата елитисти сигурно тријат раце.

9) МРТВИ. Ги броиш ли мртвите и останатите жртви на деспотските мерки изречени под претекст на горнава измамничка кампања? Следиш ли дека низ светот самоубиствата и смртноста од хронични болести се скокнати во огромен процент? Знаеш ли колку милиони предвремено умрени се тоа? Свесен ли си дека болеста со стапка од <0.2% инфективна смртност дури и со тековните фалш напумпани бројки е минијатурна во однос на смртноста од други неприродни причини, вклучително хронични болести и особено јатрогената смртност(причинета од медицинска грешка)? Инаку, медицинската „грешка“ како причина за смртност низ светот е трета, веднаш зад канцерите и кардиоваскуларните заболувања. Значи на белите мантили не им е воопшто туѓо да им умираат луѓе заради нив, како што во ситуцијава им умираат или ги умираат на респиратор.
Понатаму, ако се толку гласни кај една болест со 0.2% смртност, каде се досега сите тие големи глобални и локални душебрижници и алтруисти (волци во јагнешка кожа) да го покренат прашањето за спасување на човечки животи од овие најголеми фактори за смртност? Самата нивна ковид хистерија и деспотски мерки предизвикуваат повеќе смрт од глад отколку од болеста дури и со напумпаните статистики (https://time.com/5864803/oxfam-hunger-covid-19/).
Не сум јас тој што го откри ова и прв стана свесен за ова масовно убиство. Свесни за ова уништување и предизвикување масовни убиства се милиони кои се противат на тоа, но и многумина од оние кои активно или пасивно се на страната на Пландемијата. Е тие вторите се одговорни за злосторство против човештвото.

10) ЕКОНОМИЈА-ЖИВОТ. Повеќето сме економски писмени. Нели приметуваш дека плутократски политички елити го водат светот кон економска катастрофа, а истовремено подготвуваат нео-комунистичко тоталитарно решение под називот на „Големиот ресет“ кој уште повеќе ќе ја зголеми моќта и богатството на глобалните плутократи? Колку милијарди net-worth имаат накачено низ кампањава газдите на Амазон, Микрософт, Волмарт и сличните конгломерати? Проста е логиката: кога умира малиот и среден капитал, пазарот го јадат монополите, додека сите луѓе ќе се приморани да стануваат директно зависни(basic income) или вработени во комплексот кој е спој од државата и монополите. Сон на секој комунист, фашист, …ист.

11) ДИСТОПИЈА ЗА ВЕЗДЕН. Има уште многу важни точки, но ќе резимирам зошто немам повеќе време. Во контекст на сето ова, нели ти е одбивен барем малку тешкиот дистописки нагласок на целата кампања, смрдливото и координирано изнасилено „ново нормално“ кое се најавува да трае засекогаш, особено во комбинација со „големиот ресет“ и низата технократски активности насочени кон поголема тиранија кои ги гледаме секојдневно координирани низ светот? Или толку си оболен од стравот од корона, што чувството за мирис ти откажало та не ја чувствуваш смрдеата? Дали ти е гајле за светот што ќе го оставиме на децата? Или ние нашето да си го одживееме, макар како игноранти или продадени, па после нас нека биде што биде?

Ако така ја отфрламе свеста и совеста, тогаш што останува од homo sapiens без sapiens? Пост-хуманизам, транс-хуманизам? Веќе се случува деградација и дегенерација во физичка, интелектуална и духовна смисла кон нешто ѕверско, кое е слика на онаа циркуска, гротескна, брутална и извитоперена реалност што ја гледаме периодов како постепено го проголтува општеството. Таа ѕверска реалност води кон се` освен кон човечност и цивилизација. Мораме да се исправиме на нозе, со храбро срце бескомпромисно да речеме СТОП на сето тоа, за најпрво да се зачуваме како луѓе, па да можеме да градиме цивилизирано општество кое води во напредок на човештвото и неговиот екосистем. Инаку по сопствена вина и со наша преќутна согласност ќе не однесе матната во неповрат како да не сме ни биле никогаш. Наш е изборот за рај или пекол на земјата.

Подолу во коментарите оставете ваше мислење или слободно побарајте или вие споделете ваши дополнителни извори за било која од погорните точки.